O PORCO CELTA E A BIODIVERSIDADE

Gallego | Español


A biodiversidade ou diversidade biolóxica supón a variedade de seres vivos e as relacións que se producen entre eles e o seu medio. Un ecosistema ecoloxicamente san depende do grao da súa biodiversidade. Unha ampla variedade presupón unha maior viabilidade.

O mesmo sucede coa agrodiversidade. A maior variabilidade das especies domesticadas, supón unha mellor capacidade de adaptación aos requirimentos que demande o desenvolvemento das actividades produtivas.

A nivel mundial persisten unha gran variedade de xenotipos nas especies de gando, como resultado da selección natural e artificial lograda a través da reproducción en illamento e da crianza para propósitos específicos. No entanto, nos últimos anos, o número de razas está diminuíndo de forma alarmante. En corenta anos a agrobiodiversidade declinou rapidamente. É un feito evidente a variedade xenética das razas autóctonas e manter a súa diversidade.

O gando autóctono, máis rústico, demostra unha capacidade xenética superior para enfrontarse a condicións ambientais difíciles (calor, humidade, etc.), restriccións alimenticias (cuantitativas e cualitativas) e outros desafíos á supervivencia en zonas agrícolas ou montes onde os animais máis produtivos encontrarían unhas condicións de vida insalvables.


XI - EDICIÓN DA FESTA DO PORCO CELTA "COSTA DA MORTE"

Esta celebración realízase acompañada dunha serie de actividades socio-culturais para todo tipo de públicos. No seu programa pódense contemplar grupos de música, grupos de bailes rexionais, magos, monicreques, xogos populares, concurso de debuxo infantil, etc. e por suposto a degustación de produtos do Porco Celta elaborados de diferentes formas: carrileras, paleta asada, carne á pedra, panceta, zorza, menú de degustación, etc. Con iso pretendemos xuntar ao longo de todo o día a toda a familia, desde os máis pequenos ata os avós facéndoo participar nas actividades.

A Festa compleméntase con postos de produtos típicos galegos como poden ser: queixos, licores, embutidos elaborado a base de carne do Porco Celta atendidos por persoal especializado que informan ao público participante a través de de trípticos, carteis, librillos, etc. ou directamente. Conta ademais coa presenza de animais vivos da devandita raza.

Cartel Porco Celta 2016

Máis información


Inicio | Biodiversidade | Galicia | Raza e dispersión | Explotación | Recuperación

Galería de fotografías | Galería de vídeos | Notas de prensa | Ligazóns | Contátenos


Desenvolvido por Korku Soft. Internet e Informática © 2009


VisitasCSS validadoHTML 1.0 validadoW3C Double A Validado