PROTOTIPO RACIAL E DISPERSIÓN

Gallego | Español


A raza do porco celta agrupa animais de tamaño grande dolicocéfalos e con perfil frontonasal de subcóncavo a recto; eumétricos e lonxilíneos, rústicos e harmónicos, cun esqueleto moi desenvolvido, sobre todo no seu terzo anterior.

Coa lonxitude das súas extremidades demostra a súa aptitude para a marcha, que é viva, grácil e da abaneo característico da raza.

A cabeza é grande, forte e alongada. O fociño é ancho e gordo. As orellas, grandes e caídas, cobren os pequenos ollos.

O pescozo é longo, estreito e forte.

O tórax é forte, profundo e pouco arqueado.

Presenta o dorso e o lombo estreitos, longos e arqueados. A liña dorsolumbar debuxa desde a cruz un arco que se fai máis prominente na unión dos lombos e cadrís.

A cruz posterior é caída, con formación muscular media.

O rabo, que se retorce de forma característica, ten unha borla de sedas no seu extremo.

O ventre recollido, con liña inferior plana, cun mínimo de 6/6 mamas formadas, espaciadas e de implantación ampla.

As extremidades ben formadas, longas e fortes. Cuartillas de lonxitude media. Os pezuños resistentes e duros, con ausencia total de pigmentación.

A cor da capa depende da variedade. Na santiaguesa posúe unha pel rosada con ausencia de pigmentacións. Na barcina posúe pequenas pigmentacións a modo de lunares circulares de cor cris-lousa. A variedade carballina caracterízase polas súas extensas pigmentacións negras e brillantes que en ocasións cobren todo o corpo.

Son estas tres variedades as que debuxan o mapa da súa dispersión. A variedade carballina é orixinaria da zona de Carballo e comarcas limítrofes da provincia da Coruña. As outras dúas variedades sitúanse ao sur das provincias de Lugo e A Coruña, e nas provincias de Pontevedra e Ourense.

Defectos obxectables: defectos no asentamento das extremidades ou que sexan curtas; fociño pouco formado.

Defectos descualificables: conformación defectuosa en grao acusado, hernias, anomalías nos xenitais, formación corporal non acorde coa idade ou pigmentación total ou parcial dos pezuños.


XI - EDICIÓN DA FESTA DO PORCO CELTA "COSTA DA MORTE"

Esta celebración realízase acompañada dunha serie de actividades socio-culturais para todo tipo de públicos. No seu programa pódense contemplar grupos de música, grupos de bailes rexionais, magos, monicreques, xogos populares, concurso de debuxo infantil, etc. e por suposto a degustación de produtos do Porco Celta elaborados de diferentes formas: carrileras, paleta asada, carne á pedra, panceta, zorza, menú de degustación, etc. Con iso pretendemos xuntar ao longo de todo o día a toda a familia, desde os máis pequenos ata os avós facéndoo participar nas actividades.

A Festa compleméntase con postos de produtos típicos galegos como poden ser: queixos, licores, embutidos elaborado a base de carne do Porco Celta atendidos por persoal especializado que informan ao público participante a través de de trípticos, carteis, librillos, etc. ou directamente. Conta ademais coa presenza de animais vivos da devandita raza.

Cartel Porco Celta 2016

Máis información


Inicio | Biodiversidade | Galicia | Raza e dispersión | Explotación | Recuperación

Galería de fotografías | Galería de vídeos | Notas de prensa | Ligazóns | Contátenos


Desenvolvido por Korku Soft. Internet e Informática © 2009


VisitasCSS validadoHTML 1.0 validadoW3C Double A Validado